Inprimagailu euskaldunak: euskaraz lan egiteko beste laguntza bat

doitu-unai.jpg

Euskaraz lan egin nahi duten enpresentzako lagungarria da eguneroko lan-erremintak ere euskaraz izatea; ordenagailuko programak, telefonoak eta makinak, adibidez. Askotan zaila izaten da gure beharretara egokitutako makina hori euskaraz aurkitzea, baina geroz eta gehiago dira euskaratutako programak eta makinak. Horren adibide dira Gasteizko Doitu Ofimatikan eskuratu ditzakegun inprimagailuak.

Toshiba etxea, eskaera bazegoela ikusita, 2012an hasi zen inprimagailuetako pantailak euskaraz eta katalanez jartzeko aukera eskaintzen. Harrezkero, euskarazko inprimagailuak eskaintzen dituzte Gasteizko Doitu Ofimatikan: itzulpenak eginda datoz eta beraiek arduratzen dira euskarazko bertsioa instalatzeaz.

Enpresa, ikastetxe eta administrazioan

Doituko arduradun Unai Ayerbek azaldu digunez, Gasteiz inguruan enpresa eta erakunde askotan instalatu dituzte euskarazko inprimagailuak: ikastetxeetan, enpresa pribatuetan, Eusko Jaurlaritzan, euskaltegietan...

Doitu Ofimatikak Bai Euskarari Ziurtagiria du, Bidean maila, eta euskarazko zerbitzua eskaintzeko urratsak ematen ari dira.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

 

Izan zaitez Bai Euskarari Laguna


Iruzkina egin