Bai Euskarari Ziurtagiria lortzeko arrazoi bat behar duzue? Hamaika bildu ditugu!

2021-04-15
Bai Euskarari

Hamaika arrazoi daude Bai Euskarari Ziurtagiria eskuratzeko: motibazioa, lehiakortasuna, berrikuntza, hurbiltasuna, errekonozimendua… Baina guk esatea baino, nahiago izan dugu Bai Euskarari Komunitateko entitateek dituzten arrazoiak entzutea. Horregatik, datozen egunotan, 11 entitateren eskutik, Bai Euskarari Ziurtagiria eskuratzeko hamaika arrazoi entzungo ditugu; ziurtagiridunek beraiek emango digute haien bizipenen berri.

Zein da zuen arrazoia?

Azken urteotan, Bai Euskarari Komunitateko entitateek ziurtagiria izateko arrazoi hauek eman dizkigute:

Komunitatea sustatzen du.
Errekonozimendua ematen du.
Tresna erabilgarri eta errazak eskaintzen ditu urratsak emateko.
Langileak motibatzen ditu.
Euskara lan munduan txertatzen laguntzen du.
Zerbitzua euskaraz ematera bideratzen du.
Hurbileko komertzioak sustengatzen ditu.
Lehiakortasuna areagotzen du.
Berrikuntza sustatzen du.
Administrazioen kontratazio esleipenetan puntuak ematen ditu.
Entitatearen erantzukizun soziala hauspotzen du.
Entitatearen irudia hobetzen du eta bezeroen aurrean sinesgarritasuna areagotzen du.

Horiek orain arte guk bildu ditugun batzuk, baina ziurtagiridunek badituzte beste batzuk ere; atal honetan joango gara horiek guztiak biltzen:

Eman pausoa eta eskuratu Bai Euskarari Ziurtagiria

Zuek ere pausoa eman nahi duzue? Zuen enpresan, saltokian edo elkartean euskara txertatzen hasteko laguntza behar duzue? Ez dakizue nondik hasi?

Bai Euskarari Ziurtagiriak lagunduko dizue pausoak ematen eta aholkulari bat izango duzue prozesuan zehar laguntzeko:

Hizkuntza egoeraren azterketa egin
Emaitzak neurtu eta planifikazioa egin
Ziurtagiria eskuratu
Helburuak betetzeko laguntzen gaineko informazioa jaso
Bai Euskarari Ziurtagiria urtero berritu

Jarri gurekin harremanetan

Zuen enpresan euskararen erabilera areagotzeko urratsa emateko, bi bide dituzue:

Gurekin harremanetan info@baieuskarari.eus helbidera idatzita.
Zuen entitatearen hizkuntza egoera ezagutzeko bete auto-diagnostikoa eta jarriko gara zuekin harremanetan.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna