Munduko circo mundiala!

2011-07-27
rober

Abuztuaren 4an Gasteizko jaiak hasiko dira eta, urtero legez, Gran Circo Mundial delakoa gure hirira etorriko da. Horren berri eman nahian, orain dela egun batzuk hasi ziren farolak kartelez josten eta hirigunean flyerak banatzen. Aitortu behar dut lan handia hartu dutela ehunka faroletan kartelak jartzen… eta suposatzen dut Udalaren baimena izango dutela horretarako. Gasteizen hizkuntza ofizialak arautzen dituen ordenantza egon badago, baina faroletan eta kaleetan zer jarri behar den edo nola jarri behar den ez du zehazten Udalak berak egiten ez badu txartel edo komunikazio hori. Ordenantza alde batera utzita, Hizkuntza Ofizialen Eskuliburuan begiratu dut. Bertan ezartzen denaren arabera, hizkuntza ofizialak erabili behar dira ahoz zein idatziz Udalak enpresaren bat kontratatzen badu, jardueraren bat diruz laguntzen badu edo horretan parte hartzen badu. Egia esan, ez dakit zeintzuk diren Udala eta zirkuaren arteko harremana eta kontratu- baldintzak. Kontua da atentzioa eman didala kartel eta flyer guzti-guztiak gaztelera hutsez ikusteak. Zer egingo du Gasteizko Udalak hutsune honi konponbidea emateko?

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna