Zein da Bai Euskarari Elkartearen helburua?

2023-03-07
Bai Euskarari Elkartea

Elkarteari buruzko Ohiko Galderak biltzen ari gara atal honetan eta lehenengo galderari erantzun dio Amaia Atxukarro elkarteko aholkulariak bideo honetan:

Zein da Bai Euskarari Elkartearen helburua?

Bai Euskarari Elkartearen helburu nagusia lan munduan euskararen erabilera areagotzen laguntzea da. Hau da, Euskal Herriko entitateetan euskararen erabilera sustatzen lagundu nahi dugu. Horretarako, alde batetik, Bai Euskarari Ziurtagiria sustatzen dugu eta, bestetik, lan mundua euskaraz betetzeko hainbat proiektu ditugu martxan.

Honez gain, proiektu berriak sortzen ditugu euskararentzako espazio berriak bilatu nahi ditugulako. Gure proiektuetan ere erakunde desberdinen arteko konexioak bilatzen ditugu eta enpresa eta profesionalentzako interesgarriak izan daitezkeen gaiak euskaraz lantzen ditugu.

Azken finean, Bai Euskarari Elkarteak euskaraz eroso aritzeko espazioak sortu nahi ditu. Horretarako, lan munduko aktore desberdinentzako tresna, baliabide eta proiektuak eskaintzen ditu.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna