10 urtez JEZ euskalduntzen

2012-03-14
david

Bai Euskarari Ziurtagiria duen Laudioko JEZ Sistemas Ferroviarios enpresako Motibazio Lantaldeko langileek laugarren urtez JEZeko Kultura Agenda sortu dute langile, bisitari eta inguruko guztien artean banatzeko eta bertan jaso diren jardueretan euskararen erabilera sustatuz parte hartzera animatzeko. Agenda honetan, JEZeko langileek antolatzen dituzten kultura jarduerak eta euskararekin eta euskal kulturarekin zer ikusia duten ekintzak jasotzen dira. Honekin batera, JEZ Sistemas Ferroviarioseko Euskara Batzordeak hiru hilabetean behin argitaratzen duen JEZbarri aldizkaria jaso dugu:

Aurten gainera, JEZeko Euskara Planak 10 urte bete ditu eta bertan egiten ari den lana elkarbanatu eta ezagutzera emateko JEZetik kanpora zabaldu nahi izan dute hainbat pertsona, elkarte eta erakundeen artean.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna