Enpresarean proiektuaren enpresen katalogoa ari gara osatzen

2013-06-03
david

Enpresarean egitasmoa indartzen dihardugu etengabe eta gure hurrengo xedea proiektuan izena emanda dauden enpresen katalogoa osatzea da. Horretarako zuzenean jarriko gara enpresekin harremanetan bi galdera nagusiren erantzuna jasotzeko:

1) Zer eskaintzen du zure enpresak?

2) Eta zein behar ditu? Katalogoaren helburu nagusia enpresek elkarren beharrak eta ematen dituzten zerbitzuak ezagutzea da, eta bide batez, negozio aukera zabaltzea. Katalogoa enpresarean.org-en erakusteaz gain, mugikorretarako aplikazioa egitea ere gure helburuen artean dago. Aplikazio hau epe laburrean eskuragarri egongo da. Enpresarean-en dauden enpresa guztiek euren gaineko informazioa osatu eta enpresaren nahiz proiektuen inguruko aurkezpenak igotzeko aukera dute gure webgunean.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna