Leitzako Kide Ahokularitzak Bai Euskarari Ziurtagiria eskuratu du

Kide Aholkularitzaren Leitzako bulegoak Bai Euskarari Ziurtagiriaren Zerbitzua Euskaraz maila eskuratu du. Enpresa eta partikularrei aholkularitza juridikoa eta ekonomikoa eskaintzea du helburu. Lan taldea abokatu, ekonomilari eta bestelako profesionalez osatua dago, eta aldi berean, beste profesional batzuekin (auditoreak, peritoak, forenseak…) elkarlanean aritzen dira, modu honetan beren bezeroei beste zerbitzu osagarri batzuk eskaini ahal izateko. Gai juridiko eta ekonomikoen inguruan osoko aholkulartitza eskaintzen die enpresei zein langile autonomoei. Besteren artean, aholkularitza juridikoa (zuzenbidearen arlo ezberdinak jorratzen dituzte: Merkantila, Laborala, Zibila, Fiskala, Administratiboa…), aholkularitza eta kontabilitate kudeaketa (faktura, tiket eta bankuen kontabilizazioa; kontabilitate liburuak eta urteko kontuak prestatu; Merkataritza Erregistroan kontuak aurkeztu, etab.), aholkularitza fiskala (zergen aitorpenak eta atxikipenak beraien kabuz egiten dituzten enpresei: BEZ, Sozietateen gaineko Zerga, PFGZ, etab.) eta zergen kudeaketa eta aholkularitza fiskala (kontratazioa, nominak egitea, Gizarte Segurantzako altak eta bajak, kaleratzeak, kotizazioak, atxikipenak, bonifikazioak, etab.) eskaintzen dituzte.