Azken egunak urriaren 31ko jardunaldian izena emateko

2013-10-07
Baieuskarari

Bai Euskarari Ziurtagiriaren Elkarteak antolatuta, urriaren 31n Enpresarean jardunaldia izango da Arrasateko Polo Garaian. Dagoeneko 32 enpresek eman dute izena, orotara 60 bat lagun.

Bertan parte hartzeko interesa izanez gero, izen-ematea zabalik dago ostegunera arte, hilaren 10era arte. Horretarako nahikoa da formularioa betetzea.

Urriaren 31koa negozioak egiteko hitzordu azkarren saioa izango da. Enpresa ezberdinetako kideak elkarrekin mintzatuko dira 10 minutuz bakoitzak dituen beharrei eta eskaintzei buruz; xedea: proiektu enpresarial berriak sortzea, euskaratik eta euskaraz.

Hauxe da eguneko egitaraua:

9:15. Harrera
9:30–10:00. Sarrera instituzionala
10:00–11:00. Hitzaldia: Maria José Aranguren eta Mikel Navarro, Orkestra Lehiakortasunerako Euskal Institutuko kideak
11:00–12:00. 1. fast dating saioa (negozio aukera berriak irekitzeko edota proiektu berriak martxan jartzeko)
12:00–12:30. Atsedena/ Kafea
12:30–14:00. 2. fast dating saioa
14:30. Bazkaria

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna