Enpresarean 2013: fast-dating

2013-11-04
Baieuskarari

Joan den urriaren 31n Arrasateko Garaia Berrikuntza Gunea negozioak egiteko zentro bihurtu genuen. Euskaraz lan egiten duten edo-eta zerbitzuak eta produktuak euskaraz eskaintzen dituzten organizazioak elkarrekin bildu eta euren behar eta eskaintzen inguruan hitz egiteko. Xedea: proiektu enpresarial berriak sortzea.

Ehundik gora bilera egin ziren goiz osoan zehar. Datozen egunotan bilera horietan sortutako negozio unitateen berri eman nahiko genuke; bitartean, fast-dating saioak utzitakoa jaso dugu azpiko bideoan.

Jarraian dagoen bideoan, berriz, sarrera instituzionala jaso dugu oso-osorik. Rober Gutiérrez Bai Euskarari Ziurtagiriaren Elkarteko zuzendaria, Zigor Etxeburua Gipuzkoako Foru Aldundiko Euskara zuzendaria, Inazio Azkarragaurizar Arrasateko alkatea eta Marije Etxaniz Laboral Kutxako Debagoienako arduraduna izan ziren aurkezpen ekitaldian.

Azken bideo honetan Orkestra Euskal Institutuko Mikel Navarro eta Mari Jose Aranguren ikerlariak etorkizuneko ekoizpen eraldaketaz ari ziren, jardunaldiaren baitan emandako hitzaldian. Hain zuzen, Orkestrak uda partean kaleratu zuen Euskal Autonomia Erkidegoko Lehiakortasuna: Etorkizuneko Ekoizpen Eraldaketa txostena aurkeztu zuten.

Enpresarean 2013 jardunaldiak utzitako irudiekin argazki-galeria osatu dugu.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna