Bi langile xerkatzen ditugu Ipar Euskal Herrian ebaluazioa egiteko

2014-02-17
Baieuskarari

Bai Euskarari Ziurtagiriaren Elkartean bi langile behar ditugu, Bai Euskarari Ziurtagiria duten Ipar Euskal Herriko eragileen artean ebaluazioa egiteko.

Curriculumak eta erreferentziak martxoaren 20a baino lehen bidali behar dira info@baieuskarari.org e-postara edo Ziurtagiriaren Elkartea, 1 Arsenal plaza 64.100 Baiona helbidera.

Hauek dira kontuan hartuko diren ezaugarriak:

Curriculuma eta erreferentziak.
Harreman eta antolakuntza gaitasuna.
Antzeko lanetan aritu izana.
Euskara eta frantsesa ongi menperatzea.
Gida baimena eta autoa behar dira.

Lan baldintzak, berriz, honakoak dira:

Denbora erdiko lanpostua da.
Hiru hilabeterako, apirilaren erditik ekaina erdira.

Jasotako curriculumen artean, probetara aurkezteko aukeratutakoekin bakarrik jarriko gara harremanetan. Jasotakoekin lan-poltsa osatuko da.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna