Bai Euskarari Ziurtagiriaren maila hobetu dute Serbitzuk eta Biharkok

2014-06-24
Baieuskarari

Azkoitiko Serbitzu eta Biharko enpresek euskararen alde beste pauso bat eman dute Bai Euskarari Ziurtagiriaren maila hobetuz. Serbitzuk bigarren maila lortu du, Zerbitzua Euskaraz maila, hain zuzen ere. Biharkok, berriz, Euskararen Bidean maila eskuratu du. Programa honetako lehen mailako ziurtagiria da Euskararen Bidean. Mailarik gorenena da Zerbitzua eta Lana Euskaraz. Bi enpresetako ordezkariek jaso dute diploma Xabier Gantzarain Azkoitiko Udaleko euskara zinegotziaren eskutik.

Zorionak!

Argazkia: Urola Kostako Hitza

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna