Gernika-Lumoko 32 entitatek jaso dute Bai Euskarari Ziurtagiria

2014-12-03
Bai Euskarari

Bai Euskarari Ziurtagiriaren Elkarteak zazpigarren urtez banatu zituen Ziurtagiriak atzo, abenduak 2, Gernika-Lumon. Udalerriko 32 enpresak, komertziok eta era guztietako entitateek jaso zuten Ziurtagiria.

Iaz Ziurtagiria jaso zuten guztiek berritu dute aurten ere euskararekiko konpromisoa eta horiei berri bat gehitu zaie aurten, uztailean Ziurtagiria eskuratu zuen Gernikako Notaria. Hala, guztira 32 izan dira aurten banatu diren Ziurtagiriak.

Mailari dagokionez, hauek dira Gernika-Lumoko Ziurtagiridunen datuak:

Zerbitzua eta Lana Euskaraz = 5
Zerbitzua Euskaraz = 15
Euskararen Bidean = 12

Espazioak euskararekin betetzen

Elai Alai aretoan egindako ekitaldian parte hartu zuten ziurtagiridunek, udaleko ordezkariek eta Bai Euskarari Ziurtagiriaren Elkarteko kideek.

Ziurtagiriaren Elkartearen izenean Rober Gutiérrez zuzendariak ziurtagiridunak zoriondu zituen "espazioak euskararekin betetzen hondar-alea jartzen" ari direlako eta eskerrak eman zizkien Gernikako Udalari, euskalgintzari eta Artezi urte hauetako elkarlana "emankorra" izan delako. Era berean, Gutiérrezek azpimarratu zuen Bai Euskarari Ziurtagiria oso tresna baliagarria dela "Gernikako alor sozio-ekonomikoaren euskalduntzean eragiteko; Gernikako establezimenduetan, bezeroei kontsumo-harremanak euskaraz izateko aukerak errazteko; eta herrian euskararen presentzia handitzen joateko".

Gutiérrezek Ziurtagiriaren Elkarteak aurrera begira dituen helburuak ere azaldu zituen: "Etorkizunean alor sozioekonomikoaren euskalduntzean eragiten segitu nahi dugu eta, orain arteko datuak hobetu nahiko genituzke. Eta helburu horretan, zuek guztiok bidelagun nahi zaituztegu".

Ziurtagiridunen esperientziak

Ekitaldian, Ziurtagiria duten Gure Altzariak eta Biklik-ek beraien esperientziaren berri eman zuten. Lehenengoaren hitzetan, 30 urtetik gora daramate negozioarekin eta lan alorrean "garai batean euskaraz oso gutxi hitz egiten bazen ere Gernika-Lumon, urteekin aurrera pausoak eman direla nabarmena da eta egunetik egunera gehiago erabiltzen da euskara lan munduan". Amaitzeko, guztiak animatu zituen euskara gehiago erabiltzera.

Biklikekoen hitzetan, "bi kide gara eta hasieratik oso argi genuen gure harremana euskaraz zela eta lana ere euskaraz egin nahi genuela. Zentzu horretan, Bai Euskarari Ziurtagiria eskuratzea hori formalizatzeko modua izan zen. Horrez gain, urtetik urtera helburuak hartu eta urratsak ematen laguntzen digu".

Publizitate-bonoen zozketa

Ekitaldian bi publizitate-bono zozketatu ziren ziurtagiridunen artean. Hauek izan ziren irabazleak:

150 €ko publizitatea bonoa Hitzan erabiltzeko: Berezi liburu-denda
150 €ko publizitatea bonoa Oizmendi Telebistan erabiltzeko: Elai Alai Dantza Taldea

Ekitaldia amaitzeko, familia-argazkia egin zuten guztiek batera.

Ziurtagiridunak

Aita Villasante Udal Euskaltegia Herri Erakundea: zerbitzua eta lana euskaraz
Aixerrota Garbilekua: zerbitzua euskaraz
Arrano Kultur Elkartea: zerbitzua euskaraz
Arrien Optika: zerbitzua euskaraz
Bake Leku-Txokoa: euskararen bidean
Bengozarra Eraikuntza Metalikoak 1963 S.A.: zerbitzua euskaraz
Berezi Liburu-denda: zerbitzua eta lana euskaraz
Biklik komunikazioa: zerbitzua euskaraz
Contrucciones Areza Eraikuntza SL: euskararen bidean
Duka Arropa Denda: zerbitzua euskaraz
Ekin Taldea: euskararen bidean
Elai Alai Dantza Taldea: zerbitzua eta lana euskaraz
Electricidad Argi Ola, SL: euskararen bidean
ERAIKUNTZARAKO MATERIALAK IZAGIRRE SA: zerbitzua euskaraz
Gernika Garbiketak SL: zerbitzua euskaraz
Gernika Kirolekua: euskararen bidean
Gernika Rugby Taldea: euskararen bidean
Gernikako Arku Tiroketa Elkartea: euskararen bidean
Gernikako notaria: euskararen bidean
Gestoria Cor S.L.: zerbitzua euskaraz
Gurea Altzariak: euskararen bidean
Jose Luis Kristaldegia: euskararen bidean
Kopi Laster Fotokopiak: zerbitzua euskaraz
Kosnoaga Igeriketa Elkartea: zerbitzua eta lana euskaraz
Loreder Parafarmazia: euskararen bidean
Madariaga Hortz Klinika: zerbitzua euskaraz
Mª Luisa Lurrin-Denda: zerbitzua euskaraz
Paraphernalia Jantzi Denda: zerbitzua euskaraz
Seber Altube Ikastola: zerbitzua eta lana euskaraz
Urrutia Aholkularitza - Urrutia Asesores Consultores S.L.U.: zerbitzua euskaraz
Zaindu Fisioterapia Zentrua: zerbitzua euskaraz
Zurich Aseguroak: euskararen bidean

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna