Gasteizko ziurtagiridunei harrera egin die Udalak

Gasteizko ziurtagiridunek euskararen alde egindako lana aitortzeko harrera ofiziala egin zitzaien atzo, asteartea, udaletxean, Javier Maroto alkatea buru zela. Bertan izan ziren udal korporazioko ordezkariak eta Rober Gutiérrez, Bai Euskarari Ziurtagiriaren Elkarteko zuzendaria ere. Gasteizen, dagoeneko, 60 entitate, komertzio eta enpresak dute Bai Euskarari Ziurtagiria.

Harrera ekitaldian Maroto alkateak zorionak eman zizkien ziurtagiria duten gasteiztarrei eta euskararen normalizaziorako egiten duten ahalegina eskertu zuen. Haren esanetan, bi ardatz baititu ahalegin horrek: "langileak eta bezeroak". 

Marotoren ostean, Rober Gutiérrezek hartu zuen hitza. Ziurtagiridunak zoriontzearekin batera, pozgarritzat jo zuen aurten Gasteizko Udalarekin egindako hitzarmena, euskarak Gasteizen geroz eta leku gehiago bete ditzan oso lagungarri izan baita.

Hala ere, hitzarmen horretan jasota zegoen eta garatu ezin izan den puntu bat nabarmendu nahi izan zuen Gutiérrezek: Udalak antolatzen dituen ekitaldietan edo babesten dituenetan hizkuntzaren irizpidea barneratzearena, hain zuzen ere. Gutiérrezek adierazi zuenez, “politika euskaratik ere egin behar da, eta euskaraz”.

Oreka IT-ko Iraitz Pérez de Goldarazenak hitz egin zuen azkenik. Oreka IT-n duela bost urte eskuratu zuten ziurtagiria eta horrek enpresan izan duen eragina azaldu zuen. Era berean, bertan bildutako ziurtagiridunei dei egin zien Gasteizen beste entitateen artean ziurtagiriaren berri emateko, geroz eta gehiago izan daitezen.

Azkenik agiriak banatu zizkien alkateak ziurtagiria lortu duten entitate, komertzio eta enpresei.

Ekitaldiko argazki guztiak dituzue Flickr.com-en.

Hitzarmena

Gasteizko Udalak eta Bai Euskarari Ziurtagiriaren Elkarteak lankidetza hitzarmena sinatu genuen urte hasieran, arlo sozioekonomikoan euskararen erabilera sustatzeko, lan horretan ari diren establezimenduen eta entitateen ahalegina aitortzeko eta haiekin elkarlanean aritzeko, erreferente berriak sortuz eta sare-lana bultzatuz.

Enpresak, saltokiak eta era guztietako entitateak euskararen ezagutza eta erabilera areagotzeko neurriak garatzen ari direla egiaztatzen du Bai Euskarari Ziurtagiriak. Horrela bada, entitate baten hizkuntza-egoera zein den ziurtatzen du.

Gasteizko ziurtagiridunak

Hauek dira Gasteizen Bai Euskarari Ziurtagiria lortu dutenak:

1. 7 TABERNA

2. Agirre Lekue farmazia

3. Aizpeolea Harategia

4. Anselmo Moreno oinetakoak

5. Arabako HIESaren Kontrako Batzordea

6. Argi argiztapena, elektronika eta markogintza

7. Artebidea

8. ASAJER

9. AUTOBUSES ARRIAGA

10. AUXO ALBAITARITZA

11. AZKARPRINT Inprimategia

12. BAIONA HORTZ KLINIKA

13. Bar Oasis Taberna

14. Carnicería Etxabe S.C. Harategia

15. Cega Multidistribución

16. Cegasa Internacional

17. Confecciones Pinedo

18. Dalvez Argitarazleak

19. Denon Eskola

20. Deportivo Alavés S.A.D.

21. EGA MASTER

22. EGIBIDE

23. EL GALEON TABERNA

24. EL HOGAR GASTEIZ BURDINDEGIA

25. Elkar Gasteiz - Campus

26. Elkar Gasteiz - San Prudencio

27. ERKIDE (Euskadiko Lan Elkarteen, Irakaskuntza eta Kreditu Kooperatiben Federazioa)

28. ERROTA HORTZ KLINIKA

29. Euskadiko GGKEn Koordinakundea - Araba

30. Euskadiko Kontsumo Kooperatiben Federazioa

31. Euskadiko Kooperatiben Konfederazioa

32. FISIOKLINIK GASTEIZ Osteopatia & Pilates

33. GARMENDIA HARATEGIA

34. Gasteizko Zeledonen Elkartea

35. GORETTI ILEAPAINDEGIA

36. Hala Bedi Irratia

37. HUMEDAL INFORMATIK ZERBITZU TEKNIKOA

38. IG KARRATU ARKITEKTURA

39. IPAR MOTOR GASTEIZ

40. JAKINTZA LIBURUDENDA

41. JIMMY JAZZ GASTEIZ

42. Kide Mobiliario

43. KUPELA ARDO-TXOKO

44. Lizarralde Soinua - Txalaparta S.L.

45. Loinaz Mobiliario

46. Mendia Optika

47. Merkatarien eta Zerbitzuen Arabako Federazioa

48. Fremap Seguridad y Salud, S.L.U. - Araba

49. OREKA IT

50. PARRAL TABERNA

51. PUENTE FARMAZIA

52. Rizmil Tres

53. San Martín Comunicación Gráfica y Visual

54. Saski Baskonia S.A.D.

55. SERVICIO DE COCHES DE LUJO DE ALAVA, S.L.

56. TTILIKA GASTEIZ

57. TXISTU GARAGARDOTEGIA

58. Violeta Marengo

59. VIRGEN BLANCA JATETXEA

60. ZULUETA FARMAZIA