Liburu gomendioa: 'Bazen behin ipuin bat', Ainize Eguiarte eta Alfonso Berroya

2016-04-20
Bai Euskarari

Larunbatean ospatzen da Liburuaren Eguna eta, literatura-zaleen egun hori aitzakia hartuta, Bai Euskarari Ziurtagiria duen Gasteizko Saga liburu-dendatik gomendio hau egin digute:

Legution kokatutako SAURE argitaletxearen eskutik Bazen behin ipuin bat izenburua heltzen zaigu, Esku luzatua bildumako lehenengoa. 7 eta 12 urte bitarteko neska-mutilentzako eta beraiekin denbora elkarbanatzen duten nagusientzako zuzenduta dagoen komikia da; haur-jazarpenei aurre egiteko tresna egokia.

Liburua bost ataletan banatuta dago eta lantzen dituen gaiak alkoholikoa den aita bati beldur izatea, gurasoen aldetik jazarpenak izatea, eskolako bullying-a, sexualitate identitatearekin arazoak eta ugazama berri bati beldurra. Modu erraz eta zuzenean landutako pisu handiko istorioak dira. Fantasiazko mundu honetan protagonistak babestu, arazoak desagertu edo desegin daitezke.

Alfonso Berroyaren ilustrazioa oso lan ona da egindako marrazkiengatik baita erabilitako koloreak eta zuri-beltzak. Balio handiko liburua da bai umeen eskuetan jartzeko bai famili eta hezitzaileek tresna gisa erabiltzeko. Esan beharra dago ere, liburu hau proiektu handiago baten parte dela: www.ecomic-experience.com.

Bazen behin ipuin bat

Ainize Eguiarte (gidoia)
Alfonso Berroya (marrazkiak)
Saure 2016, 59 or, 23,00€

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna