Hitzarmena Lemoan, enpresa eta komertzioetan euskararen erabilera sustatzeko

2016-05-31
Bai Euskarari

Lemoako Udalak eta Bai Euskarari Ziurtagiriaren Elkarteak hitzarmena sinatu dugu herriko merkataritza eta ostalaritzan euskara sustatzeko. Bai Euskarari Ziurtagiria eskuratzen duten Lemoako eragileek diru-laguntza jasoko dute udaletik.

Bai Euskarari Ziurtagiriaren Elkartearekin sinatutako hitzarmenari esker, Bai Euskarari Ziurtagiria eskuratzen duten herriko eragileei diru-laguntza emango die Lemoako Udalak. Diru-laguntza hori jasotzeko baldintza izango da udalarekin euskararen erabilera areagotzeko konpromisoa hartzea.

Lemoako Udalak berak ere Bai Euskarari Ziurtagiria berritu du. Bidean maila du gaur egun, baina euskararen presentzia areagotzeko konpromisoak hartu ditu.

Ziurtagiria eskuratzeko bost arrazoi

Euskal Herriko alor sozioekonomikoaren euskalduntzean eragiteko tresna baliagarria da.
Bezeroei begira, entitateak bereiztea eta zerbitzuak eta produktuak bere hizkuntzan jasotzea erakargarriagoa da.
Lehiakideengandik nabarmentzen eta merkatu kuota irabazten laguntzen du.
Ziurtagiriak euskararekiko konpromisoa adierazten du, taldearen kohesioan eta motibazioan eraginez; horri esker ere lortzen da arrakasta.
Urratsak egiten ari diren Euskal Herri osoko entitateak identifikatu eta saritzen ditu.

Lemoako ziurtagiridunak

Lemoako lau eragilek eskuratu dute Bai Euskarari Ziurtagiria.

Ziurtagiriaren inguruko informazioa eskuratzeko edo diru-laguntzen berri jakiteko, jar zaitezte harremanetan Bai Euskarari Ziurtagiriaren Elkartearekin: info@baieuskarari.eus / 608167027

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna