Gipuzkoa barrena ibili zen atzo Korrika, tipi-tapa, tipi-tapa!

2017-04-05

Atzo, apirilak 4, seigarren eguna egin zuen Korrikak, Gipuzkoan eta gau partean Donostia utzi ondoren, Urola Kostarako bidea hartu zuen, Ondarroa hartu eta Bizkaian sartzeko. Geroz eta kilometro gutxiago gelditzen dira lasterketa amaitzeko, baina, Euskara korrikaren erritmoan pausoak ematen jarraitzea da erronka.

Atzo, Bai Euskarari Ziurtagiriaren Elkartearen taldea gehitu zen Andoaineko Korrikara Martin Ugalde Kultur Parkeko langileekin batera. 10:00etan iritsi zen herrira eta Berriako lagunek ekarri zuten lekukoa, parkeko langileek hartu eta kaleetan barrena tipi-tapa, tipi-tapa korrika! egiteko.

Berriako kazetaria den Garikoitz Goikoetxeak eguneko bideokronika bat utzi digu eta Martin Ugaldeko lankideek bizitakoak ere jaso zituen ondorengo bideoetan.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna