Gernika-Lumoko 24 entitatek Bai Euskarari Ziurtagiria eskuratuko dute

2017-12-14

Bai Euskarari Ziurtagiriaren Elkarteak hamargarren urtez banatuko ditu Ziurtagiriak Gernika-Lumon. Banaketa ekitaldia Astran egingo da, abenduaren 15ean, eta bertan udalerriko 24 enpresak, komertziok eta era guztietako entitatek jaso dute Ziurtagiria.

EGUNA: Abenduak 15, ostirala

ORDUA: 20:15

ANTOLATZAILEAK: Bai Euskarari Elkartea, Gernika-Lumoko euskara saila, Busturialdean euskaraz bizi elkartea, Gernikako AEK, Artez Euskara Zerbitzua eta Seber Altube Ikastola.

Ziurtagiridunen aitortza

Gernika-Lumoko Ziurtagiridunen artean bostek Zerbitzua eta Lana Euskaraz maila kreditatzen dute; 12k, Zerbitzua Euskaraz; eta gainontzeko guztiek, zazpik, Euskararen Bidean maila. Bai Euskarari Elkarteko arduradunak entitate horien guztien aurrerapausoak azpimarratuko ditu; izan ere, esparru horretan egiten den ekarpena txalotzekoa da. Gainera, nabarmendu nahi dute, Bai Euskarari komunitatean ziurtagiriaz gain, beste baliabide eta proiektuetan parte-hartzeko aukera ere badutela.

Udalarekin elkarlanean

Gernika-Lumoko Udalak eta Bai Euskarari Elkarteak sinatutako hitzarmena dela eta, Udalak beregain hartzen du Ziurtagiridun bakoitzaren kuotaren % 30. Urrats biziak ematen jarraitzeko beharrezkoa da instituzioen babesa, eta zentzu horretan, Bai Euskarari Elkartearen arabera, eskertzekoa da Gernika-Lumoko Udalaren jarrera. Aurreratzean ere, elkarlanean jarraitzeko asmoa dute.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna