Bai Euskarari Komunitatea, 2018an euskararekin bat!

2018-01-11

Bai Euskari Komunitatea geroz eta handiagoa egiten ari da; guztira, 1363 enpresa, saltoki eta era guztietako entitateak dira, Bai Euskarari Elkartearen laguntzarekin, euskaraz lan eta bizitzeko urratsak ematen ari direnak. Urtea hasi berri dugula, denbora honetan egindako lanarengatik zoriondu nahi ditugu komunitatearen partaide guztiak, eta ziurtagiridun berriei ongi-etorria egin nahi diegu.

Izan ere, 2017 urte bukaeran Euskal Herri osoko sektore ezberdinetako entitateak gehitu ziren Bai Euskarari Komunitatera. Batzuk euskara gaitasun txikiagorekin, "Euskararen bidean" mailarekin, eta beste batzuk, altuagoarekin, "Zerbitzua Euskaraz" ziurtagiriarekin, guztiek argi dute euskarak euren negozioetan eskainiko dizkien balio eta abantailak. Bai Euskarari Elkartearen laguntzarekin, helburuak jarri eta pixkanaka joango gara aurrerapausoak ematen, emaitzak ikusi arte.

Zorionak eta ongi etorri lagunok!

Honakoak dira 2017ko abenduan Bai Euskarari Elkarteko Komunitatera gehitu ziren azken ziurtagiridunak:

Arabako ALEA Komunikazio taldea - Zerbitzua euskaraz

 Bagara 2014 SL - Zerbitzua euskaraz 

GEU Elkartea - Zerbitzua euskaraz

 Gazte Asanblada, Barañain - Zerbitzua euskaraz

 ZABALEKU Informatika - Zerbitzua euskaraz

 Balerdi Fisioterapia - Euskararen bidean  

BASTIDA Akademia - Euskararen bidean  

BIZIKI Arropa eta osagarriak - Euskararen bidean

 Coral Barañain Abesbatza - Euskararen bidean  

Ecopaja Bioconstrución Módular S.L. - Euskararen bidean  

Errioxa Kultur Elkartea - Euskararen bidean  

GUNE Gasteiz S.C. - Euskararen bidean  

KSB Itur - Euskararen bidean  

Orban diseño e impresión - Euskararen bidean

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna