Otsaileko azken ziurtagiridunak. Ongi etorri Bai Euskarari komunitatera!

2018-03-06

Bai Euskarari Komunitatea geroz eta handiagoa egiten ari da; guztira, 1358 enpresa, saltoki eta era guztietako entitateak dira, Bai Euskarari Elkartearen laguntzarekin, euskaraz lan eta bizitzeko urratsak ematen ari direnak. Martxoa hasi berri dugula, otsailean gehituriko azken ziurtagiridunei ongi etorria eman nahi diegu.

Batzuk euskara gaitasun txikiagorekin, "Euskararen bidean" mailarekin, eta beste batzuk, altuagoarekin, "Zerbitzua eta lana euskaraz" ziurtagiriarekin, guztiek argi dute euskarak euren negozioetan eskainiko dizkien balio eta abantailak. Bai Euskarari Elkartearen laguntzarekin, helburuak jarri eta pixkanaka joango gara aurrerapausoak ematen, emaitzak ikusi arte.

Honakoak dira 2018ko martxoan Bai Euskarari Elkarteko Komunitatera gehitu ziren azken ziurtagiridunak:

AEG Ikastetxea - Euskararen Bidean

Armeria Eskola - Euskararen Bidean

Gestoria Arrate - Euskararen Bidean

Zubeldia Prestakuntza - Euskararen Bidean

EuskarAbentura - Zerbitzua eta Lana Euskaraz

Kalaka komunikazio parekidea - Zerbitzua eta Lana euskaraz

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna