“Euskara sustatzen duenak komunitatearen garapenaren alde egiten du”

Barañaingo 37 entitatek jaso dute Bai Euskarari Ziurtagiria

2019-03-16
Bai Euskarari

Bai Euskarari Ziurtagirien banaketa-ekitaldia egin zuten ostiralean, martxoaren 15ean, Barañainen, 37 enpresa, saltoki eta entitateren euskara maila aitortzeko. Oihane Indakoetxea Barañaingo alkateak eta Rober Gutiérrez Bai Euskarari elkarteko zuzendariak eman zituzten bereizgarriak. Biek nabarmendu zuten entitateen lan eredugarria eta euskarak alor sozioekonomikoan leku handiagoa izan dezan egin dituzten urratsak. Horregatik jaso dute ziurtagiridunek aitortza, Gutiérrezek ekitaldian esan bezala, “balioa” eman behar diogulako euskararen alde egiten den lanari.

Gutiérrezek nabarmendu zuen enpresetan hizkuntzak egoki kudeatzea eraldaketa bat dela: “Euskara sustatzen duenak berrikuntzaren, aniztasunaren, bizikidetzaren, kohesioaren eta gure komunitatearen garapenaren alde egiten du”, esan zuen.

Indakoetxeak ziurtagiridunek egindako lanaren atzean dauden pertsonak aipatu nahi izan zituen modu berezian: “Hizkuntza pertsonok erabili egiten baitugu, eta euskara gaur egun zerbait bada, eta asko da, bere atzean zaudeten pertsona guztiongatik da”, gaineratu zuen.

Ziurtagiridunak

Aurten 37 ziurtagiri banatu dira Barañainen: 4k ‘Zerbitzua eta lana euskaraz’ maila lortu dute; 9k ‘Zerbitzua euskaraz’ maila; eta 24k ‘Euskararen bidean’ maila. Guztien artean, gainera, entitate batek lehen aldiz jaso du ziurtagiria: Viajes Marfil-ek, hain zuzen ere.

Ekitaldiko gonbidatuek, protagonistak izan zirenek, ilusioz jaso zuten aitortza eta argi adierazi zuten Bai Euskarari elkartearen laguntzarekin euskararen bidea egiten jarraituko dutela.

Hauek dira Barañaingo ziurtagiridunak:

1	Bidean	ANDRÓMEDA Belardenda
2	Bidean	Barañain AUDITORIOA Fundazioa
3	Bidean	Barañaingo EUSKAL KANTAK
4	Bidean	Barañaingo GEROA BAI
5	Bidean	Barañaingo Gizarte Eskola
6	Bidean	Centro Veterinario ABODI
7	Bidean	Coral Barañain ABESBATZA
8	Bidean	CUBILLAS Botika
9	Bidean	Cubillas-BARRICART Botika – Beatriz
10	Bidean	GOGORZA Anaiak harategia
11	Bidean	HEGOALDE Café-Bar/Taberna
12	Bidean	IRATXO Taberna
13	Bidean	Izquierda/Ezkerra Barañain
14	Bidean	KAIOA Café-Bar/ Taberna
15	Bidean	KARRAPE taberna Los Porches
16	Bidean	LURGORRI Taberna Jatetxea
17	Bidean	MURUZABAL Bizikletak
18	Bidean	Participando en Barañáin/Barañainen parte hartzen
19	Bidean	SADA Hortz Klinika
20	Bidean	STUDIO Liburudenda
21	Bidean	TANTATIC Diseinu eta Garapena
22	Bidean	TECNIAUTO Auto Lantegia / Taller de coches Tecniauto
23	Bidean	Txaranga IGANDEA
24	Bidean	Viajes MARFIL S.L. (BERRIA)
25	Zerbitzua euskaraz	AKELAMENDI Taberna
26	Zerbitzua euskaraz	ALAITZ Guraso Elkartea-Apyma
27	Zerbitzua euskaraz	BARABATU Barañaingo Batukada
28	Zerbitzua euskaraz	GAZTE Asanblada
29	Zerbitzua euskaraz	Barañaingo JAI BATZORDEA
30	Zerbitzua euskaraz	Barañaingo TRIKITILARI Eskola
31	Zerbitzua euskaraz	EH Bildu Barañain
32	Zerbitzua euskaraz	MUGARRI Guraso Elkartea
33	Zerbitzua euskaraz	PLAZABERRI Egunkari digitala
34	Zerbitzua eta lana euskaraz	HAGIN Erakunde Feminista
35	Zerbitzua eta lana euskaraz	HAIZEA Kultura Elkartea
36	Zerbitzua eta lana euskaraz	HARIZTI Barañaingo Dantza Taldea
37	Zerbitzua eta lana euskaraz	SAHATS Fundazioa

Zorionak guztioi!

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna