Oreka IT eta Aldama Arrandegia saritu dituzte Aenkomer sarietan

2019-07-05
Bai Euskarari

Atzo, uztailak 4, egin zen Arabako Merkataritza eta Zerbitzuetako Enpresarien (Aenkomer) sariketaren XVI. edizioa. Urtero bezala zortzi sari banatu ziren, lau Aenkomer Sarietakoak eta beste lau Arabako Udaberriko Erakusleihoen Lehiaketakoak. Sarituen artean bi izan ziren Bai Euskarari duten entitateak: Oreka IT eta Aldama Arrandegia. Zorionak!

Euskararen sustapena

Aenkomer Sarietan lau sari banatu ziren: Merkataritza tradizionalari, Berrikuntzari, Ibilbide profesionalari eta Euskararen sustapenari. Azken sari hori, Euskararen sustapenarena, Oreka IT-ri eman zioten. Iraitz Perez de Goldarazena zuzendariak jaso zuen saria Gorka Urtaran Gasteizko alkatearen eskutik. Saria jasotzean Perez de Goldarazenak nabarmendu zuen sariak ondo daudela eta eskertu behar direla, baina behar dena dela "euskara baloratzea, adibidez, kontratazioetan. Zerbitzua emateko gaitasuna duten enpresak baloratuta emango zaio eta balioa euskarari", gaineratu zuen.

Bai Euskarari Ziurtagiria duen Arabako enpresetako bat da Oreka IT, SAP teknologian aditua eta bezeroen negozioei balore gehigarria emateko eta zerbitzua euskaraz eskaintzeko lanean ari dena.

Erakusleihoan euskara txertatzea

Aenkomer Sariez gain, Arabako Udaberriko Erakusleihoen Lehiaketako sariak ere eman ziren. Erakusleihoan euskara hoberen txertatu zuen saria Bai Euskararik ematen du eta Aldama Arrandegia (Laudio) izan zen saritua. Aldama Arrandegiko Ana Galarragak jaso zuen saria Bai Euskarari Elkarteko zuzendari Rober Gutiérrezen eskutik.

Bai Euskararari Ziurtagiria du Aldama Arrandegiak, 'Bidean' maila.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna