'Baieuskarari.eus' webguneko intraneta berritu dugu

2019-07-23
Bai Euskarari

Bai Euskarari komunitatea osatzen duzuen kideekin komunikazioa erraztu eta baliabide berriak eskaintzeko asmoz berritu dugu Baieuskarari.eus webguneko intraneta. Duela hiru urte egin genuen “Bai Euskarari Elkartea eta bere proiektuak hobetzeko” galdetegian jaso zen eskaeretako bat izan zen intraneta sortzearena.

Entitate bakoitzak bere txokoa izango du bertan eta honako informazio eguneratua aurkituko du:

datu pertsonalak,
fitxak,
fakturak,
dagokion ziurtagiriaren irudia deskargatzeko aukera
eta bakoitzaren diploma deskargatzeko aukera.

Horiez gain, Bai Euskarari Elkartearen beste bi proiektuetako webguneetan saioa hasteko aukera dago bertatik, Enpresarean.eus eta Lansarean.eus lan-atarian, hain zuzen ere.

Intranetaren helbidea honakoa da: https://baieuskarari.eus/eu/saioa/login Entitate bakoitzak jasoko duen erabiltzaile-izen eta pasahitzarekin izango du bertan sartzeko aukera.

Zuzeneko txata

Intranetean informazioa eskaintzeaz gain, Bai Euskarari komunitatea osatzen duzuen kideokin zuzeneko komunikazioa indartzea da elkartearen nahietako bat. Horretarako, ohiko komunikazio-kanalez gain, zuzeneko txata ezarri dugu Baieuskarari.eus webgunean. Hala, bulego ordutegian, Bai Euskarari Elkarteko teknikariekin zalantzak argitu eta galderak egiteko aukera izango duzue zuzenean txataren bidez.

Gainerako bideak ere zabalik daude zalantza edo iradokizunei erantzuteko: info@baieuskarari.eus e-posta helbidea eta elkartearen telefonoak: +34 943 59 21 48 / +34 673 81 10 48 / +33 5 24 33 61 96.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna