Lansarean.eus aurkeztu genuen Bernat Etxepare lizeoaren Lanbide Foroan

2019-12-11
Bai Euskarari

Joan den larunbatean Lanbide Foroaren 2. edizioan parte hartu genuen Baionako Bernat Etxepare lizeoan. Bertan, Lansarean.eus euskarazko lan-atariaren aurkezpena egin genien lurralde eta lan-arlo ezberdinetako 70 profesional euskalduni.

Ekitaldi hau Etxepare lizeoa, Piarres Larzabal kolegioa, Manex Erdozaintzi Etxart kolegioa, Estitxu Robles kolegioa eta Xalbador kolegioaren artean antolatua da, Euskal Konfederazioarekin batera.

Helburua da ikasle eta familiei ofizioen ezagutza egiteko parada emaitea, arlo profesional desberdinetako pertsona euskaldunak gomitatuz.

10 arlotako 75 bat profesional present izan ziren, beren esperientzia haurrekin (eta beren burasoekin) partekatzeko. Profesional horiek euskara erabiltzeko aukera dute beren lanean.

Foroaren helburua bikoitza izan zen:

Alde batetik, lanaren mundua ikasleei deskubriaraztea.
Eta bertzalde, gazteei ohartaraztea euskarak ate ainitz irekiarazten dituela.

Euskarazko lan-ataria

Euskara hutsez dagoen lan-atari bakarra da Lansarean.eus. Alde batetik, enpresek hautaketa-prozesuak kudeatzeko aukera dute eta eskaintzen dituzten lanpostuetarako hautagaiak aurkitu ahal izango dituzte bertan. Bestetik, lan bila ari diren pertsonek enpresen lan-eskaintzen berri izan eta horietan izena eman dezakete.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna