Gorputza eta burua aktibo mantentzeko ariketak

2020-04-14
Bai Euskarari

Etxean egon behar dugun honetan oso garrantzitsua da gorputza eta burua aktibo mantentzea, egunero norberaren neurriko ariketa eginez. Athloneko lagunak etxean egiteko ariketa ugari proposatzen ari dira egunotan Youtuben: luzaketak, indar ariketak eta etxean egiteko bestelako ariketak.

Athlon Bai Euskarari komunitateko kide da eta 'Zerbitzua euskaraz' eskaintzen du.

Bi kanal hauetan jarrai ditzakezue ariketak:

Athlon

Athlon Bizkar Klinikak

Adinberri saioa

Bestalde, apirilaren 14an ETB1en estreinatu duten Adinberri telebista saioan ere Athlonek parte hartu du adineko pertsonentzako ariketak proposatuz. Saio horretan Zuriñe Hidalgok meditazioa egiten laguntzen du. Astelehenetik ostiralera emango dute saioa, 11:00etan, ETB1en.

Bai Euskarari komunitateko kide den Artemanek grabatu eta editatu du saioa.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna