Tokiko kontsumoaren aldeko ekimenak

2020-05-07
Bai Euskarari

Koronabirusaren krisiarekin agerian gelditu da bertan ekoizteak eta bertan erosteak duen garrantzia, eta tokiko kontsumoa bultzatzeko hainbat ekimen sortu dira. Ipar Euskal Herrian sortu diren bi ekimenen berri jaso dugu azken egunotan: Lekukoa webgunea, laborari eta kontsumitzaileen topagunea alde batetik; eta, bestetik, Euskal Monetak abian jarri duen Eusko-Saltzaile: Elkartasuna! taldea.

Lekukoa topagunea

Lekukoa laborarien eta erosleen arteko elkartasun topagune gisa sortu da. Ipar Euskal Herriko laborariek ekoiztutako tokiko janari anitza eta kalitatezkoa aurkituko dute bertan kontsumitzaileek.

Ia 30 urte baino gehiagoz laborantxa herrikoia defendatu duten Euskal Herriko laborari egiturek zuzenean asmatu eta kudeatu duten topagunea da. Tartean daude Bai Euskarari komunitateko kide diren Idoki eta Biharko Lurraren Elkartea.

Koronabirusaren krisiak eragindako kinka gainditu eta lotura iraunkorrak sortzeko esperantza dute topagune honekin.

Eusko-Saltzaile: Elkartasuna! taldea

Euskal Moneta elkarteak, bestetik, Eusko-Saltzaile: Elkartasuna! taldea sortu du Facebook sare sozialean. Bertan, Eusko sareko kide diren saltokiek Koronabirusaren krisi garaian abian jarritako ekimen ezberdinen berri ematen dute: banaketak egiten dituzten saltokiak, eramateko zerbitzua dutenak… Erosketak, kasuen arabera, euskokart edo eusko billeteekin ordain daitezke.

Euskal Moneta Bai Euskarari komunitateko kide da eta ‘Euskararen bidean’ ziurtagiria du.

Argazkia: Designed by prostooleh / Freepik

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna