Arabako enpresen arteko sarea sortu nahi dute, euskara sustatzeko

2020-10-30
Bai Euskarari

Arabako Enpresen Foroa abiatu da gaur. Bai Euskarari Elkarteak gidatuta, hizkuntza kudeaketarekin kezka duten Arabako zenbait enpresatako ordezkariak bildu dira gaur Gasteizko Europa Biltzar Jauregian.

2020an gaude, pandemia baten erdian, eta foro hau abiatu dugu helburu hauekin: Arabako Lurralde Historikoan kokatuta dauden eta hizkuntza kudeaketarekin nolabaiteko kezka duten enpresen arteko foro bat da, besteak beste, ardura hauek izango dituena: euren jardunaz duten jakintza, gogoetak eta kezkak partekatzea; elkarrengandik ikastea; jakintza berria sortzea eta Arabako Lurralde Historikoaren alor sozioekonomikoan euskararen erabilera hobetzen laguntzea.

Eusko Jaurlaritzak eta Gasteizko Udalak Arabako Foru Aldundiarekin bat egin dute Lanabes - Araban Euskara Lanean programari bultzada emateko; foro hau izan da martxan jarri duten proiektuetako bat.

Arabako enpresak

Gaurko hitzorduan euskara beraien enpresan txertatzen ari diren zenbait enpresatako ordezkariak izan dira:

Esperientzia aberasgarria

Bileraren helburu nagusia hau izan da: Praktika komunitatearen aurkezpena eta aurrera begirako erronkaren/ helburu komunaren identifikazioa. Zehaztu behar izan dute: 3 urteko epean, egitasmo honi dagokionez, noraino iritsi behar dugu, eta horrek foko nagusietara ekarrita, energiak zertan zentratzea eskatzen du?

Esperientzia aberasgarria izan da guztientzat lehen saio hau eta aurrerantzean ere sarea ehuntzen joateko konpromisoa azaldu dute guztiek. Era berean, foro honetara Arabako enpresa gehiago erakartzeko lanean jarraitu beharra dagoela azpimarratu dute.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna