Euskararen inguruko erronka zehatzei erantzuteko tailerrak eskaintzen ditu Erabil Kolektiboak

euskaraldiaahobiziprestakuntza2.291310.jpg

2021-02-10
Bai Euskarari

Ipar Euskal Herrian bizitzen ari giren euskararen biziberritze prozesuak errealitate berri bat agerian eman du eta horrek behar berriak sortu ditu. Behar horiei erantzuteko asmoz zenbait tailer antolatu ditu Erabil Kolektiboak, tokian tokiko egiturentzat (elkarteak, kolektiboak, instituzioak, komertzioak, enpresak, kirol elkarteak...).

Euskara gure bestetan. Antolatzen dituzten ekitaldietan euskara erdigunean kokatzeko moldeak.
Euskara familian. Guraso erdaldun zein euskaldunekin, haurra euskaraz loratzeko bideak.
Hizkuntza ohiturak aldatuz. Herritarren eta euskalduntzen bidean direnen ahozko erabilera garatzeko deklikak.
Euskaraz (ere) hobeki komunikatu. Komunikazio eleanitzaren oinarrizko printzipioak.
Hizkuntzen eta hiztunen kohabitazioa nire elkartean. Bizikidetza antolatzeko oinarrizko tailerra.
Hizkuntzen kudeaketa eraginkorra bilkuretan. Denen arteko elkar ulertzea, bakoitzaren hizkuntz hautuak eta bilkura eredu berriak.
L’euskara entre nos mains. Erdaldunak euskarara hurbiltzeko eta sentsibilizatzeko saioa.
Euskara haurtzaindegietan. Lan ingurune elebidunetan oztopoak gainditzeko palankak.

Tailer hauetakoren bat egin nahi izanez gero, Erabil Kolektiboarekin jar zaitezkete harremanetan:

erabil.kolektiboa@gmail.com
06 77 82 20 20
SIRET 843 026 857 00014
APE 9499Z

Erabil Kolektiboak euskararen biziberritzearen arloan ekarpen konkretu eta landua egitea du xede, ikuspegi soziolinguistikoa partekatuz. Euskalgintzako profesionalez eta herritarrez osatutako elkarte irekia da, diziplinartekoa eta irabazi-asmorik gabekoa.

Bai Euskarari komunitateko kide da eta 'Zerbitzua euskaraz' ziurtagiria du.

Argazkiaren iturria: Mintzalasai.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna