'Geroa ereiten' spotak irabazi du Euspot lehiaketako sari nagusia

Gazteen Saria banatu du Bai Euskarari Elkarteak

2021-05-28
Bai Euskarari

Atzo, maiatzak 27, egin zen Euspot lehiaketaren 2021eko edizioko sari banaketa ekitaldia. Aurtengo parte-hartzea oso handia izan da; guztira 87 spot aurkeztu dira, iaz baino 36 lan gehiago. Nekazaritzatik bizi nahi dugu lelopean, spotak animatu behar izan ditu gazteak eta batez ere emakumeak familia-nekazaritzatik bizi izatera. Aurten ere Bai Euskarari Elkarteak laguntzaile bezala parte hartu du eta 18 urtetik beherakoen saria banatu zuen atzo Rober Gutiérrezek.

Gure helburua arlo sozioekonomikoaren espazioak euskaraz betetzeko eragitea izanik, estrategikotzat jotzen dugu ikus-entzunezkoen industrian eta gazteen artean ere eragitea.

Sari banaketa ekitaldia

Aretxabaletako Arkupe Kultur etxeko Zaraia aretoan egin da sari banaketa ekitaldia. Zaraia aretoa jendez bete da irabazleen izenak zeintzuk diren jakiteko eta lanak txalotzeko. Ane Zuazubiskar kazetari eta bertsolariak gidatu du ekitaldia eta lehiaketan aurkeztutako 87 iragarkietatik epaimahaiak aukeratutako 15 finalistak ikusi ahal izan dira pantalla handian. Bertaratutakoek Eñaut Zubizarreta biolontxelo jotzaile aretxabaletarraren musikarekin ere gozatu ahal izan zuten ekitaldian.

Irabazleak

Spotik onena: Geroa ereiten

Egilea: Iñigo Zapirain Garmendia (Idiazabal).

Spotaren kalitate teknikoa eta mezuaren egokitasuna dira gehien baloratu direnak.

Gazteen saria (18 urtetik beherakoak)

Berdinketa egon zenez, saria 2 partaideren artean banatu zen:

Emakumeak eta baserria spota

Egilea: Kemen Virto (Etxalar).

Ez izan tuntuna, erosi Km0 spota

Egileak: Ugaitz Gruceta, Erlantz Negro eta Joanes Arana (Aretxabaleta).

Spoten kalitate teknikoa izen zen gehien baloratu zena.

Rober Gutiérrez Bai Euskarari Elkarteko zuzendariak banatu zituen sariak.

Irabazle guztien lanak dituzue Euspot.eus webgunean.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna