Euskara lanean txertatzeko adibideak jaso dituzte Arabako Enpresen Foroaren 2. bileran

2021-11-05
Bai Euskarari

Azaroaren 4an egin zen 2021eko Arabako Enpresen Foroaren bigarren saioa Europa Biltzar Etxean (Gasteiz). Eusko Jaurlaritzak, Arabako Aldundiak eta Gasteizko Udalak iaz martxan jarri zuten foroa, Lanabes ekimenaren barruan, Arabako arlo sozioekonomikoan euskara sustatzeko. Bai Euskarari Elkarteak du aurtengo foroa kudeatzeako ardura.

Irailean egin zen lehen saioan, enpresa bakoitzak bere erronkak identifikatu zituen eta administrazioak horretan laguntzeko dituen erreminten berri izan zuten. Azaroan egin den bigarren saioan aholkularitzek (EMUN, Elhuyar eta AHIZE-AEK) zein tresna eta baliabide bideratzen dituzten ikusi dute eta, gainera, bi enpresak erronka horiei nola egiten dieten aurre ikasi dute. Laboral Kutxa eta Osasuna Futbol Taldeko adibideak azaldu zituzten bi enpresetako ordezkariek.

Erronkak definitituta eta adibideak jasota, helburuak lortzeko prozesu ezberdinak martxan jartzeko ordua izango da foroan parte hartzen ari diren enpresentzat. Enpresa hauetako ordezkariak izan ziren azken bileran: Mutualia, La Vitoriana, Sirimiri Zerbitzu Soziokulturalak, EBA S.L., Ludoland, SEA Arabako enpresariak, Orona, Ega Master, RPK, Uriarte Industrial, Oreka IT, Artepan-Mamia, El Corte Inglés eta Mondragon Korporazioa.

Foroaren azken saioa abenduaren 2an egingo da, 9:00etatik 11:00etara bitartean, Europa Biltzar Etxean (Gasteiz).

EMAN IZENA - ARABAKO ENPRESEN FOROA 2021

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna