Euskara langai jardunaldia zuzenean streaming bidez

2022-05-23
Bai Euskarari Elkartea

Bihar, maiatzak 24, egingo da Iruñeko Baluarten Euskara langai jardunaldia. Topaketaren helburua da Nafarroako eremu sozioekonomikoan euskararen erabilera sustatzea eta Foru Komunitatean dauden esperientziak erakustea. Aforoa beteta dagoenez, bertan ez zaudetenok www.euskaralangai.eus/zuzenean webgunean jarraitu ahal izango duzue jardunaldia zuzenean.

Jardunaldia 9:00etan hasiko da, Herritarrekiko Harremanetako kontseilaria den Ana Ollok hitza hartzen duenean eta programa eskura dago Euskara Langai webgunean.

Edukiaren sarrera Mikel Arregi Euskarabideako zuzendari gerenteak egingo du, zeinek aurkeztuko dituen Nafarroako Gobernuak euskara lan munduan sustatzerakoan erabili ahal dituen erremintak eta baliabideak. Jarraian azalduko dira jadanik Nafarroan abian diren praktika egoki batzuk (Mapsa, Ederlan, Osasuna Fundazioa, besteren artean) eta segidan Nafarroatik kanpoko hainbat esperientzia egokiren berri emango da, horiek ere erreferenteak izan daitezkeenez (Lanabes, Euskaragileak eta Indeus). Gero, gazteriaren errealitatea eta itxaropenak aztertzeko bere ikuspegia emango da ezagutzera, enpresari gazteen partaidetzarekin. Jardunaldia amaitzeko, euskararen esparruan lan egiten duten aholkularitza ezberdinek Nafarroaren erronkak identifikatzen lagunduko dute. Azkenik, esku-hartze guztien ondoren, galderetarako tarte bat irekiko da.

Streaming bidez jarraitzen duzuenok ere dinamika ezberdinetan parte hartzeko aukera izango duzue.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna