Maiatzeko lorpenak

2022-06-07
Bai Euskarari Elkartea

Bai Euskarari Ziurtagiria eskuratzearekin batera, entitateek urtero zenbait helburu zehazten dituzte euskaraz ematen duten zerbitzua ahalik eta zabalena izan dadin. Helburu horiek betetzean lorpen bat izan ohi da beraientzako eta, hori aintzat hartuta, 'Ziurtagiridunen lorpenak' izeneko atala osatzen ari gara.

Lorpen txiki bakoitza urrats handi bat da arlo sozioekonomikoaren euskalduntzean eragiteko eta pauso horiek ematen laguntzen du Bai Euskarari Ziurtagiriak.

Maiatzean lorpen hauek izan ditugu:

Uda Leku elkarteak lansari agiriak frantsesez bakarrik zituen lehen eta orain elebitan jarri ditu. Zorionak!

Sasoi Eraikuntzakoek egiaztagiriak eta egitasmoen azalpenak gazteleraz zituzten eta elebitan jarri dituzte.

Lekuona Arkitekturak, hainbat dokumentu ele bitan izatetik euskara hutsez jartzera pasa dira:

Lan bileretako deialdiak
Ikastaro deialdiak eta izen ematea
Asebetetasun inkesta
...

Horrez gain, programetan erabiltzen diren testuak gaztelaniaz izatetik euskaraz izatera pasa dira.

Maison Adamek AEKn euskara ikasteko aukera eskaini die langileei.

Les Alizés Agentzia - Century 21 agentziak AEKn euskara ikasteko aukera eskaini die langileei.

Doneztebeko Casino Elkartea mailaz igo da, 'Euskararen bidean' mailatik 'Zerbitzua euskaraz' mailara. Zorionak!

Lesakako Arrano Ostatuak BEZ aitorpena eta atxikipenak euskaraz egiten dituzte (orain arte gaztelaniaz). Zorionak!

Uztaritzeko Egur Berri enpresak 2021eko helburua bete du. Webgunea euskaratu dute eta .eus domeinua erabili dute: https://www.egurberri.eus/

Arantzako Pablo-Enea Ostatu Jatetxeak maila igoera izan du, 'Zerbitzua Euskaraz' izatetik, 'Zerbitzua eta Lana euskaraz' maila izatera pasa dira. Zerbitzua euskaraz eskaini eta lan ere euskaraz egiten dute orain. Zorionak!

IKUSI LORPEN GEHIAGO

Ziurtagiria eskuratu nahi duzu?

Bi bide dituzu:

1. Bete autodiagnostikoa: baieuskarari.eus/eu/auto-diagnostikoa eta gu jarriko gara zurekin harremanetan!

2. Jarrai gurekin kontaktuan: (+34) 943 59 21 48 / (+33) 6 03 49 43 65 / info@baieuskarari.eus

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna