Zabalik dago 2023ko Lanhitz deialdia

Lantokietan euskararen erabilera eta presentzia areagotzeko dirulaguntzak

Eusko Jaurlaritzaren Lanhitz programaren helburua da enpresetan euskararen presentzia eta erabilera areagotzea, baita euskara entitatearen kudeaketa-sisteman txertatzea ere. 2023ko deialdia berrikuntzekin dator: lau talde sortu dira, diruz lagun daitezkeen ekintzen arabera. Bai Euskarari Ziurtagiria duzuenok diagnostikoa egin, helburuak zehaztu eta ebaluazio prosezua bideratzeagatik 1.multzora aurkeztu zaitezkete.

Eskaera egiteko baldintza hauek bete behar dira:

• Proiektuaren auto-finantzaketak % 20koa izan behar du.
• Gutxieneko aurrekontua 1.000 eurokoa izan behar da.

Beraz, gutxieneko aurrekontura iristeko diagnostikoa eskuratzeko aukeraz gain beste ekintza solteren bat jarri beharko da martxan. Diruz laguntzen diren kontzeptuak:

• Itzulpenak.
• Batzarretako aldibereko itzulpen-zerbitzua.
• Langileek hizkuntza-gaitasuna eskuratzeko edo hobetzeko euskalduntze zein alfabetatze ikastaroak, baldin eta HABEk diruz lagundu ez baditu.
• Langileentzako prestakuntza-ikastaroa euskaraz.
• Softwaregintza.
• Plangintzaren jarraipena, ebaluazioa, inplementazioa eta egokitzapena (euskara batzordea, koordinatzailea edo planaren komunikazioaz arduratzen dena, eta aholkularitza enpresa kontratatzea).
• Euskararen erabilerari zuzenean lotutako Aldahitz edo gisako metodologian oinarritutako prozesuak.
• Euskararen sustapen orokorrarekin lotutako ekimenak edota euskararen motibazio ekimenak.

Eskaerak aurkezteko epea maiatzaren 2ra arte dago zabalik.

Eskabidea bideratzeko hemen sakatu.