Bai Euskarari Elkarteak zuzendaria behar du

Elkartea eta lantaldea kudeatzeaz arduratuko den pertsona behar du Bai Euskarari Elkarteak. Lansarean.eus lan-atariaren bidez egingo da hautaketa prozesua. Behean dituzue lanpostuaren eginkizunak eta baldintzak zehaztuta.

Ikusi lan eskaintza

Lanpostuaren eginkizunak

• Elkartea eta lantaldea kudeatzea. Proiektuak zuzentzea, jarraipena egitea eta ebaluatzea.

• Ikuspegia eta helburu estrategikoak definitzea eta garatzea. 

• Lankidetza hitzarmenak eta bestelako harremanak aztertzea eta bideratzea, administrazioarekin, enpresekin, euskalgintzarekin eta bestelako erakundeekin.

• Antolaketa eta funtzionamendu proposamenak egitea eta inplementatzea. 

• Alor ekonomikoa eta administratiboa zuzentzea. Finantzazio iturriak bermatzen laguntzea.

Lan baldintzak

• Lan kontratua, jardun osoan.

• Lantokia: Andoain edo-eta Gasteiz. Telelanean aritzeko aukera.

• Kontratuak 6 hilabeteko probaldia izango du. 

• Lanean hastea berehalakoa izango da.

Baldintzak

Hauek dira kontuan hartuko diren ezaugarriak:

• Harremanetarako eta koordinaziorako gaitasuna. 

• Pertsonen eta proiektuen kudeaketarako gaitasuna. Lana antolatzeko gaitasuna, izaera planifikatua eta dinamikoa.

• Hizkuntzen ezagutza, bereziki gaztelania eta frantsesa. 

• Hizkuntza plangintzan eta kudeaketan esperientzia izatea. Eskarmentua izatea antzeko lanetan.

• Talde lanean aritzeko gaitasuna.

• Komunikazio gaitasunak, taldeak dinamizatzeko gaitasunak eta antzekoak.

• Harreman-sareak sortzeko eta kudeatzeko gaitasuna.

• Komunikazio eta kudeaketa tresnak ezagutzea eta erabiltzen jakitea. 

• Teknologia berriekin eskarmentua izatea.

• Curriculuma eta erreferentziak.

• Lizentziatua edo graduatua izatea.

• Gida baimena eta autoa behar dira.

Ikusi lan eskaintza