Lanetik Lekora lan munduaren euskalduntzearen alde, oraingoan Bidarten

2025-03-11
Bai Euskarari Elkartea

Joan den martxoaren 6an Lanetik Lekoraren VI. topaketa izan genuen, Bidarteko Elissaldia ostatuan. 15 bat lagun bildu ginen bertan, garraio, informatika, administrazio, kazetaritza, izurrien kontrako tratamendua, hezkuntza eta beste sektoretako profesional euskaldunak.

Topaketan parte-hartzaile bakoitzak bere burua eta enpresa aurkezteko tartea izan zuen eta euskara eta lanaren inguruko baliabide desberdinak ere aipatu ziren.

Lanetik Lekorak euskara lan munduan txertatu eta garatu nahi dutenen topagune izan nahi du, profesional euskaldunen sarea ehuntzen joateko eta euskaraz egiten diren lan harremanak sustatzeko, eta geroz eta enpresa gehiago batzen ari dira ekimenera; Lanetik Lekora kortxoan bisita txartelak gehitzen doaz bertaratutakoen arteko harremanak eta kontaktuak errazteko.

Bereziki eskertu nahi ditugu gerturatu ziren pertsonak, zuek gabe ez baita Lanetik Lekora!

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna