EGIBIDEk 2016-2017 ikasturterako Lanbide-Heziketan euskaraz duen eskaintza hirukoiztuko du

2016-08-17

Gasteizko EGIBIDE Ikastetxeak, Bai Euskarari Ziurtagiria duenak, datorren 2016-2017 ikasturteari begira euskararen aldeko apustu argia egin du Lanbide Heziketa zikloei dagokionez.

Orain arte bi baziren euskaraz ematen ziren zikloak, datorren ikasturtean eskaintza hori hirukoiztu eta guztira familia profesional ezberdinetako sei ziklo izango dira Gasteizko ikasleek ikastetxe honetan euskaraz egin ahal izango dituztenak. Honako ziklo hauek dira: Administrazio eta Finantzak, Mantentze-lan Elektromekanikoa, Mikroinformatika Sistemak eta Sareak, Mekatronika Industriala, Automatizazioaeta Robotika Industriala eta Fabrikazio Mekanikoko Diseinua.

Egoera berri honek azken urteotan Lanbide Heziketako ikasketak euskaraz egiteko handituz doan eskaerari erantzuna ematen dio. Helburu horrekin, EGIBIDE-k horren aldeko apustua egin eta zortzi ziklo ezberdin euskaraz egiteko aukera eskaini zuen. Horietatik sei datorren urtean martxan egongo dira.

Aldaketa hau EGIBIDE-k Lanbide Heziketa euskalduntzeko ezarritako erronka estrategikoarekin bat dator. EGIBIDE-k “Euskararen Bidean” Ziurtagiria du, euskararen normalizaziorako neurriak hartzen eta garatzen ari den egiaztagarria. Horrez gain, lan munduan, enpresan eta arlo sozio-ekonomikoan euskararen presentzia bultzatzeko beste zenbait ekimenetan ere parte hartzen ari da, hala nola, Bai Euskarari Ziurtagiriaren Elkartetik bultzatutako Enpresarean edota Lanabes-en.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna