Bai Euskarari Ziurtagiri gorena Orereta Ikastola eta Oiartzo Batxilergoarentzat

2016-12-16

Bai Euskarari ziurtagiria lortu dute zerbitzu zein lan arloan Orereta Ikastolak eta Orereta eta Haurtzaro ikastolek osatzen duten Oiartzo Batxilergo Ikastola Fundazioak. Bai Euskarari Ziurtagiriaren maila gorena da hori. Arlo guztietan 0 euskaraz funtzionatzen dutela ziurtatzen du horrek, eta pozik hartu dute berria, Orereta Ikastolako zuzendari Anartz Muxikak esan duenez.

Bikain ziurtagiria bazutela aurretik esan du Muxikak, “bermea bagenuen beraz, baina Bai Euskarari Ziurtagiria ezagunagoa da eta gehiago neurtzen du euskararen trataera zerbitzua ematerakoan eta barne mailan. Ziurtagiria emateak, gainera, euskarari dagokionean ere gauzak ondo egiten ditugula ikastolan berresten du, eta hori kanpora erakustea badugula”.

Orain hobekuntza plana dute mahai gainean datorren urteari begira. Helburua hainbat hornitzaileren fakturak euskaraz jasotzea izango da, “gehienak euskaraz jasotzen baditugu ere, oraindik orain fakturak gazteleraz bideratzen dituztenak badirelako: Horiek euskaraz jasotzea da helburua, eta gure eta beste enpresa eta erakundeen eskariei esker, aldatzen ari dira joera eta politika hori”.

Beste jomuga arrisku prebentzioen arloa da, “oso kudeaketa erdalduna du esparru horrek. Dagoeneko zenbat agiri euskaraz ditugu, baina beste batzuk oraindik ez dira iritsi, eta plangintzan sartu dugu horiek eskuratzea”.

Albistearen iturria: Oarsoaldeako Hitza

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna