Cuadrabus garraio-enpresak Bai Euskarari Ziurtagiria eskuratu du

2012-06-11
admin

Cuadrabus garraio-enpresak (Autobuses Cuadra S.A.) Bai Euskarari Ziurtagiriaren Bidean maila eskuratu du. Bai Euskarari Ziurtagiria akreditazioari esker, bere lan-jardueran euskara normalizatzeko neurrien bermea erakusten dio gizarteari. Hiru egoitza ditu Cuadrabusek, Amurrion, Bergaran eta Bilbon, eta euskara plan bat ere martxan du.

Gizarte-erantzukizunaz jokatzen duen entitatea da Cuadrabus, eta ahalegin horri esker, Bai Euskarari Ziurtagiria akreditazioaz batera, hainbat aipamen, sari eta izendapen lortu berri ditu gizarte eragile eta enpresa mundutik, tartean, Emakunde, enpresa-sendotasunarena eta 2o12ko garraio-enpresarena. Hemen ikus daiteke horri buruzko informazio gehiago.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna