Euskal Konfederazioak euskararen aldeko manifestaldi handia deitu du azaroaren 21erako Baionan, azkenaldian izandako mehatxuei erantzuteko eta euskaraz bizitzeko eskubidea aldarrikatzeko.
Bai Euskarari Elkarteak bat egin du mobilizazioarekin (dagoeneko 175 elkartek izenpetu dute manifestua), eta herritar zein eragile guztiak animatu nahi ditugu bertan parte hartzera.
Egun osoko egitaraua egongo da Baionako karriketan:
- 11:00etan: Animazioak eta hitzorduak egun osoan zehar.
- 16:00etan: Manifestaldi handia, Laugatik abiatuta.
- 18:00etan: Gaualdia, euskararen aldeko atxikimendua ospatzeko.
Euskaltzaleon garaia da, euskararen garaia da. Hurbildu zaitezte Baionara!
👉 Informazio gehiago eta manifestuaren xehetasunak: https://www.euskalkonfederazioa.eus/info/?lang=eu