Open Psy, osasun emozionala diagnostikatzeko chatbot-a

2022-11-15
Bai Euskarari Elkartea

Open Psy proiektuarekin Arin-arin lehiaketa irabazi zuten Eneka Iribarrenek eta Erik Perezek 2022ko Enpresarean Azokan. Adimen Artifiziala (IA) duen chatbot bat da Open Psy, osasun emozionaleko diagnostikoak eta tresnak eskaintzen dituena. Hemen duzue proiektuaren azalpena:

Open Psy proiektua

29 eta 65 urte bitarteko 4 emakumetik 3k antidepresiboak hartzen ditu erregularki, eta suizidioa da heriotza ez-naturaleko lehen kausa 25 urtetik beherakoen artean.

Pertsonak maila emozionalean hezten dituen eta diagnostiko goiztiarra osasun emozionaleko arazoak dituzten pertsonen kudeaketarako giltzarria duen gizarte batekin amesten dugu.

Pertsona batek laguntza emozionala behar duela sentitzen duenetik diagnostikatu eta tratamendua hasi arteko itxaronaldiaren bataz bestekoa 6 hilabetekoa da osasun publikoan, eta itxaronaldi horretan pertsonak okerrera egiteko probabilitatea egunetik egunera handitu egiten da.

Era azkar, eraginkor eta, garrantzitsuena, unibertsal bat behar dugu horrelako arazoak diagnostikatzeko. Hemendik sortzen da OpenPsy, Adimen Artifiziala (IA) duen chatbot baten bidez osasun emozionaleko diagnostikoak eta tresnak eskaintzen dituena, behar duen orori doan laguntzeko. Halaber, osasun-zentroekin (publikoak, pribatuak) eta enpresekin itunak eginez, pertsonei osasun emozionaleko tratamenduetarako sarbidea erraztu nahi diegu, haien ongizatea eta hezkuntza emozionala, unibertsala eta lehentasunezkoa izan dadin gure gizartean.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna