Etorkizuna, euskaraz!

2024-12-03
Bai Euskarari Elkartea

Joan den azaroaren 30ean Martin Ugalde Kultur Parkean elkartu ginen Euskalgintzaren Kontseilua osatzen dugun gizarte eragileak, Euskararen Nazioarteko Egunaren atariko adierazpenaren berri emateko.

Euskararen egoera larriaz jabeturik, aldarrikatu nahi izan genuen garaiz gaudela euskararen eta euskal hiztun komunitateari etorkizun oparo bat bermatzeko. Sinetsita gaudela etorkizunak euskara ezinbesteko duela guztiontzako oparo eta bizigarri izango bada. Eta, horrenbestez, buru-belarri arituko garela larrialditik indarraldirako bidea bultzatzen, osatzen, egiten.

Badakigu lehen eginkizuna zein den: euskararen normalizazio eta biziberritzea agenda politiko eta sozialaren ardatzean jartzea. Ezinbestean, horretarako deia egiten diegu erakundeei, agintariei, eta oro har, eragile politiko eta sozialei. Lehen mailako auzi politikoa da, urgentea, eta erabakimenez heldu behar zaio.

Euskarak espazio berriak lortzea eragiteko egunero lanean ari zareten guztion inplikazioa beharrezkoa dugu, Bai Euskarari komunitatea osatzen duzuenon ekarpena behar dugu euskarak larrialditik indarraldirako bidea egiteko. Euskaraz lan egin eta euskaraz bizi nahi dugulako, etorkizuna euskaraz nahi dugulako!

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna