Arabako Enpresen Foroa protagonista abenduko 'Bai' aldizkarian

2021-12-21
Bai Euskarari

'Bai' aldizkariaren 34. zenbakia kalean da eta zuen egoitzan jasoko duzue Bai Euskarari Ziurtagiria duzuenok. Arabako Enpresen Foroa da protagonista lehen orrietan eta, besteak beste, lanean euskara txertatzeko Arabako enpresek hartu dituzten erronkak zeintzuk diren irakurriko dugu bertan.

Horrez gain, Elkarrengandik Ikasiz solasaldietako pasarteak jaso ditugu bertan, laburpen gisa. Lansarean eta Enpresarean proiektuen inguruko azken albisteak ere irakurriko dituzue.

Azkenik, Komunitatearen txokoan, entitateei egindako elkarrizketak, ziurtagiridun berriak eta beste.

'BAI' ALDIZKARIA. 34. ZENBAKIA

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna