Bai Euskarari Elkartea, Arigune

Euskaraldiaren ondorengo urratsak emateko metodologia erraza eskaintzen du Bai Euskarari Elkarteak

2022-11-21
Bai Euskarari Elkartea

Bai Euskarari Elkartearen bulegoak ere Ariguneak dira aurtengo Euskaraldian. Andoain, Baiona eta Gasteizko bulegoetan euskaraz lasai aritzeko guneak ditugu.

Euskaraldian bete-betean murgilduta gauden honetan, bertan parte hartzen ari zareten Ariguneei gogorarazi nahi dizuegu euskara lanean txertatzeko urratsak emateko metodologia erraza eskaintzen duela Bai Euskarari Elkarteak. Hala, Euskaraldiaren ondoren ere euskararen aldeko urrats gehiago egiteko eta horien segimendua egiteko aukera eskaintzen dizugu, Bai Euskarari Ziurtagiriarekin.

Metodologiaren urratsak

Irizpideak

Bai Euskarari ziurtagiria eskuratzeko irizpideak bi ardatzen arabera biltzen dira: "Zerbitzua euskaraz" eta "Zerbitzua eta Lana euskaraz". Erakundeek betetzen dituzten baldintzen arabera maila bat edo beste izango dute.

Jar zaitezte gurekin harremanetan hurrengo urratsak emateko:

Hego Euskal Herria

Ipar Euskal Herria

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna