Euskaragileak proiektuaren inguruko erreportajea, 'Bai' aldizkariaren zenbaki berrian

Uztailean kaleratu dugu 'Bai' aldizkariaren 28. zenbakia

2019-07-22
Bai Euskarari

Euskaragileak osatzen duten enpresa batzordeko ordezkariekin izan gara eta beraien hitzak jaso ditugu Bai aldizkarian. Proiektuaren nondik norakoak eta garatzen ari diren ildo ezberdinen inguruko azalpenak eman dizkigute; Ramon Mendiguren (Cikautxo), Ketxus Amasorrain (Elay) eta Xabier Malmasorori (IMH) egindako elkarrizketak irakurri ahal izango dituzue bertan. Horiez gain, Goizperko Aitor Azkarateren eta Batzeko Unai Belaustegigoitiaren hitzak ere jaso ditugu erreportajean.

Lan-mundua euskalduntzeko adierazpenean (2013) jaso zen bezala, euskaraz saldu eta lan egin nahi duten enpresen sarea indartzea eta beren ereduak ezagutzera ematea lagungarria da enpresei begirako lanketa egiteko. Asmo horrekin jaio zen 2015ean Euskaragileak proiektua; enpresen euskalduntzean aurreratuta dabiltzan eta euskararen erabilera normalizatua duten Euskal Herriko zenbait enpresek osatzen dute Euskaragileak enpresen batzordea.

2018ra arte, Kontseiluak kudeatu du proiektua eta aurrerantzean Bai Euskarari Elkartearen ardura izango da; arlo sozioekonomikoaren espazioak euskaraz betetzeko Bai Euskarari Elkartea egiten ari den ekarpen berrietako bat da orain Euskaragileak.

Ziurtagiria duzuen entitateok zuen egoitzan jasoko duzue aldizkaria gutxi barru. Hemen ere irakur dezakezue pdf formatuan:

>> Bai Euskarari Elkartearen Aldizkaria - 28. zenbakia <<

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna