Top Euskara + Euskaragileak jardunaldia, azaroaren 13an

2019-10-29
Bai Euskarari

Lanabes – Araban Euskara Lanean egitasmoaren helburu nagusiak dira Arabako alor sozioekonomikoan euskararen presentzia sustatzea, txertatzea eta handitzea.

Proiektuaren barruan, 2019ko azaroan antolatuko dugun jardunaldi baten bitartez, Arabako enpresak gonbidatu nahi ditugu euren eguneroko kudeaketan euskara ere barneratzera, bezeroekiko zein hornitzaileekiko harremanetan baliatzera, eta hizkuntza, barrura eta kanpora begira erabiltzera. Euskara sustatzeak eta erabiltzeak ekar ditzakeen onurak azaldu nahi zaizkie partehartzaileei, langintza horretan ari diren enpresen esperientzien eta lekukotasunen bitartez.

Horretarako, Araban erreferentea den EGA MASTER enpresak eta Euskaragileak Enpresa Batzordearen ordezkaritza batek parte hartuko dute jardunaldian.

Jardunaldia SEA – Arabako Enpresak eta Bai Euskarari Elkarteak antolatuko dute, Arabako Foru Aldundiaren babesarekin, Lanabes proiektuaren barruan.

Egitaraua

08:45 - 09:00 Harrera EGA MASTERren

09:00 - 09:15 Jardunaldiaren aurkezpena.

Foru Aldundia
SEA
Bai Euskarari

09:15 – 09:45 EGA MASTERren esperientziaren azalpena.

Aner Garmendia CEO.

09:45 – 10:15 FAGOR AUTOMATION. Euskaragileak enpresa batzordeko kidea.

Oiher Arantzeta – I+G teknikari eta euskara koordinatzailea.

10:15 – 10:45 Solasaldia (Ega Master + Fagor Automation)

10:45 – 11:15 EGA MASTERren bisita

11:15 – 11:30 Agurra + koktela

Parte hartu nahi baduzu, eman izena inprimaki hau beteta.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna