Arabako Enpresen Foroa urriaren 30ean abiatuko da

Bai Euskarari Elkarteak hizkuntza kudeaketarekin kezka duten Arabako enpresen arteko foro bat gidatuko du

2020-10-13
Bai Euskarari

Arabako Lurralde Historikoan kokatuta dauden eta hizkuntza kudeaketarekin kezka duten enpresen arteko foro bat da, besteak beste, ardura hauek izango dituena: euren jardunaz duten jakintza, gogoetak eta kezkak partekatzea; elkarrengandik ikastea; jakintza berria sortzea eta Arabako Lurralde Historikoaren alor sozioekonomikoan euskararen erabilera hobetzen laguntzea.

Eusko Jaurlaritzak eta Gasteizko Udalak Arabako Foru Aldundiarekin bat egin dute Lanabes - Araban Euskara Lanean programari bultzada emateko. Proiektua hiru administrazioen arteko lankidetzaren emaitza da.

Foroan parte hartzeko lehentasuna izango dute ondorengo enpresek:

Tamaina ertain-handiko enpresak eta merkatal guneak.
Orain arte euskara sustatu dutenak eta etorkizunean ere urratsak eman nahi dituztenak.

Arabako Enpresen Foroa

Noiz: Urriak 30

Ordutegia: 9:00 - 11:00

Lekua: Europa Biltzar Etxeko FLORIDA aretoan (Gasteiz hiribidea, 85)

COVID-19 Jarduteko Protokoloa

Foroan COVID-19ari dagozkion segurtasun protokoloak beteko ditugu:

Foroa goizeko 9etan hasiko da. Garaiz iristea eskertuko da partehartzaile guztiak Florida aretora bideratzeko.
Sarreran, tenperatura hartuko da.
Maskara janztea nahitaezkoa izango da foro osoan zehar.
2 edo 1,5 metroko pertsonen arteko tartea errespetatu beharra dago.
Hidrogela egongo da, behar den guztietan eskuak garbitzeko.
Ez da arropa gordelekurik egongo.
Edukieraren kontrola bermatuko da.

*Goiko argazkian, 2018an egin genuen 'Araban Euskara Lanabes' jardunaldia.

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna