Barne komunikazioa euskaraz lantzeko gakoak ezagutuko dituzte Arabako Enpresen Foroaren bigarren saioan

2022-05-31
Bai Euskarari Elkartea

Ekainaren 8an egingo da 2022ko Arabako Enpresen Foroaren bigarren bilera. Bilera honetan barne komunikazioa landuko da eta barne komunikazioa euskaraz lantzen eredugarriak diren bi enpresaren adibideak jasoko dituzte foroko parte-hartzaileek: ABB Niessen eta Elkar.

Bileran landuko dira:

Idatzizko barne komunikazioa.
Ahozko barne komunikazioa.
Programa eta aplikazio informatikoetan euskarazko bertsioak lortzea.
Euskaraz ere lan egiteko aukera bermatzen duten baliabide informatikoak lortzea.

Lehenik eta behin, ABB Niessen eta Elkar enpresen esperientziak ezagutuko ditugu, barne komunikazioa euskaraz lantzen eredugarriak diren bi enpresa hain zuzen ere. Ondoren, hausnarketa errazteko dinamika bat burutuko dugu Arabako Enpresen Foroko kideekin.

Parte hartzen ari diren enpresak

Enpresa hauek ari dira Arabako Enpresen Foroan parte hartzen: Mutualia, La Vitoriana, Sirimiri Zerbitzu Soziokulturalak, EBA S.L., Ludoland, SEA Arabako enpresariak, Orona - Electra Vitoria, Ega Master, RPK, Uriarte Industrial, Oreka IT, Artepan-Mamia, El Corte Inglés, Mondragon Korporazioa, Vital Fundazioa eta Ciudad Jardin LHII.

EMAN IZENA - ARABAKO ENPRESEN FOROA 2022

NOIZ: Ekainak 8

ORDUTEGIA: 9:00 - 11:00

LEKUA: Europa Biltzar Etxea (Gasteiz hiribidea, 85)

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna