Arabako Enpresen Foroaren edizio berria apirilaren 3an

2025-03-13
Bai Euskarari Elkartea

Eusko Jaurlaritzak, Arabako Foru Aldundiak eta Gasteizko Udalak lankidetzan eratzen duten Arabako Enpresen Foroaren edizio berria egingo da 2025ean. Bai Euskarari Elkarteak zerbitzu teknikoa eskainiko du.

Bi foro egingo dira aurten: apirilaren 3an eta irailaren 23an, Europa Biltzar Jauregian (ikusi kokapena).

Lanabes, Araban euskara lanean programaren baitan kokatzen dira foroak, 2020tik aurrera hizkuntzen kudeaketan interesa duten Arabako enpresen artean praktiken komunitatea aktibatzea bilatzen da programa horren bidez.

Apirilak 3, osteguna, egitaraua:

9:15-9:30 Harrera eta gosaria. Instituzio antolatzaileen eskutik.

9:30-9:45 LanHitz eta Gasteizko Merkataritzako diru laguntzak. Diru laguntzen inguruko azalpena: Gasteizko Udala eta Hizkuntza Politika Saila.

9:45-10:00 Euskaraldia. Euskaraldia ekintza sozialean parte hartzeko argibideak. Taupa mugimendua.

10:00-10:50 Praktikak euskaraz, errealitatea eta erronkak. Enpresa eta hezkuntza zentroen esperientziak.

10:50-11:00 Euskarazko praktiken mapa osatzera goaz.

11:00-11:30 Eta nire enpresan zer? Talde lana. Eman daitezkeen erronkak eta aurrerapausoak aztertu.

Hizkuntzen kudeaketa zure interesekoa bada eta praktika desberdinen inguruan informazioa nahi baduzu, eman izena:

EMAN IZENA

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna