Doako aholkularitza, Gasteizko ETEetan euskara kudeatzen hasteko

business-team-working-on-new-business-plan-with-modern-digital-computer-with-copyspace.jpg

2021-10-22
Bai Euskarari

Enpresan euskara txertatzen hasteko metodologia erraz eta doako baten bila ari zara? 10 eta 49 langile bitarteko Gasteizko enpresa zarete?

Aurten, Lanabes egitasmoaren baitan, Gasteizko Udalak, Arabako Foru Aldundiak eta Eusko Jaurlaritzak bat egin dute 10 eta 49 langile bitarteko enpresekin lanean jarduteko. Proiektu honen barruan, bi urteko diagnostikoa eta aholkularitza zerbitzua eskainiko zaizue doan, Bai Euskarari Ziurtagiria eskuratzen duzuen eta bere bitartez lan egingo duzuen Gasteizko entitateei eta enpresei.

Bai Euskarari ziurtagiria euskara erabiltzeko eta sustatzeko lanean ari diren enpresak, saltokiak eta era guztietako entitateak identifikatu, aitortu eta pausoak ematen laguntzen dituen ziurtagiria da. Gasteizko Udalak, Arabako Foru Aldundiak, Eusko Jaurlaritzak eta Bai Euskarari Elkarteak urrats horiek ematera gonbidatu nahi zaituztegu, eta ibilbide horretan bidelagun izango gaituzue.

Ziurtagiria eskuratze-prozesuan elkarteko aholkulariek laguntzen dute. Zuen erakundearen euskara-egoera zein den jakin nahi izanez gero, auto-diagnostikoa egin dezakezue eta euskara-maila zehatza jakiteko eta hobetzen laguntzeko zuekin harremanetan jarriko dira Bai Euskarari Elkarteko aholkulariak.

Informazio gehiago nahi duzu? Jar zaitez Gasteizko teknikari Bergoi Madernazekin harremanetan:

bergoi@baieuskarari.eus
+34 677 41 50 84

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna