Bai Euskarari Ziurtagiriak Euskal Herria Esnea, Nekatur eta Gaizka Garitano saritu ditu

Bai Euskarari Ziurtagiriaren Elkarteak urteroko Bai Euskarari Sarien banaketa ekitaldia egin du gaur, ostirala, Donostiako San Telmo museoan, ziurtagiridunak eta elkarte eta erakunde ezberdinetako ordezkariak bertan zirela. Aurten 15 urte bete ditu Bai Euskarari Ziurtagiriak eta Rober Gutiérrez Elkarteko zuzendariak nabarmendu du Bai Euskarari Ziurtagiria arlo sozioekonomikoaren euskalduntzean eragiteko "proiektu funtsezkoa" dela, bazterkeriak alde batera utzita, aurrera segitzeko "konplizitatearen, lankidetzaren eta inplikazioaren beharra duena".

Urtero bezala, hiru sari eman dira: Bai Euskarari Laguna saria Gaizka Garitano futbol entrenatzaileak jaso du; eta Euskal Herria Esnea eta Nekatur izan dira aurtengo ziurtagiridun sarituak.

Garitanok euskara erabili behar dugula azpimarratu du bere hitzaldian: "Guretzat euskara primerakoa da, ama hizkuntza. Egunero erabiltzen ez bada 3. mailara jaitsi daiteke, hiltzeraino. Erabili dezagun lotsatu gabe, han eta hemen, behar dugu eta".

Ekitaldiko argazki gehiago dituzue bilduma honetan.

Bai Euskarari Sarietako albiste gehiago:

• Rober Gutiérrez: “Aurrera begira, bestelako jarrera eta neurriak behar dira”
• Idoia Ezkurdia, Nekatur: "Bezero eta jabeekiko lehen arreta euskaraz izaten da beti"
• Iker Leiva, Euskal Herria Esnea: "Baserria eta euskararen biziraupena oso garrantzitsua da gure herriarentzat"