'Gasteizen Bai': merkatari eta ostalarientzako baliabideak

2020-02-19
Bai Euskarari

Merkatariak gako dira hiriko egunerokotasunean euskarari bizia emateko, eta, aldi berean, euskarak beraien jarduna aberasten du. #GasteizenBai kanpainaren barruan hainbat doako material banatzen ari dira merkatari eta ostalariei euskara egunerokoan txertatzen laguntzeko.

Zein keinu egin daitezke euskararen alde?

Kartelak euskaraz edo ele bietan jarri
Bezeroak euskaraz agurtu.
Euskaraz badakizu, saiatu bezeroekin euskaraz egiten.
Sare sozialetan euskara ere erabili.
Web orria euskaratu
Bai Euskarari Ziurtagiria eskuratu.

Gasteizen dagoeneko 131 establezimenduk dute Bai Euskarari Ziurtagiria. #GasteizenBai kanpainan Bai Euskarari Ziurtagiria duten Dolomiti jatetxeak, Vinylora disko dendak, Goretti ile-apaindegiak eta Txirrinduz bizikleta dendak parte hartu dute.

Euskararen mapan ikus ditzakezu ziurtagiria duten entitate guztiak.

Doako materiala

Kanpainaren barruan doako materiala jarri da merkatari eta ostalarien eskura.

Hemen deskargatu ahal dituzu baliabideak.

Udalaren zerbitzuak

Bestalde, Gasteizko Udalak ondorengo zerbitzuak eskaintzen ditu merkatari eta ostalarientzat:

Doako itzulpenak

Bezeroentzako testu laburrak.

Dirulaguntzak

Errotulu nagusia euskaraz edo ele bietan jartzeko
Webgunea itzultzeko
Merkataritza Ganberarekin batera euskaltegiko matrikula ordaintzeko
Bai Euskarari Ziurtagiria eskuratzeko

Ikastaroak

Merkatarientzako euskara ikastaro bereziak antolatzeko aukera (60 ordu).

Izan zaitez Bai Euskarari Laguna

Zure babes ekonomikoa ezinbestekoa zaigu hau bezalako proiektuak lantzen segitzeko eta zuei eskaintzeko.

Bai Euskarari Elkartea lan munduan euskararen erabilera areagotzeko eragiten ari da, Euskal Herri osoan. Bai Euskarari Ziurtagiriarekin hasi genuen ibilbidea eta euskaraz eroso aritzeko proiektuak ari gara denon eskura jartzen: Lansarean lan-ataria, Enpresarean, Euskaragileak, Elkarrengandik Ikasiz solasaldiak, etab.

Bai Euskarari ziurtagiria duten komunitateko entitateen ekarpenari esker, batez ere, bideragarria da gure proiektua. Zuk ere babestu dezakezu gure proiektua Bai Euskarari Laguna eginez.

Gainera, Bai Euskarari Elkarteak lehentasunezko mezenasgo jarduera izendapena jaso du Gipuzkoako Foru Aldundiaren aldetik eta, ondorioz, zerga onurak ezarriko zaizkizu egindako ekarpenarengatik (enpresentzako kenkaria, % 18koa; norbanakoentzat. % 30ekoa).

Izan zaitez Bai Euskarari Laguna